بالجبنة والبسطرمة والسوسيس.. سمر تصنع تورتة “حادقة” للى مالهمش فى الحلويات

لانشون وسويس وفلفل وجبنة ولحم مدخن هذه ليست مكونات واحدة من الفطائر الشهية ولا السندويتشات وإنما تستخدمها سمر سمير لإبداع “تورتة حادقة” بدلاً من الكريمة والشوكولاتة والفواكه في التورتة التقليدية، لهؤلاء الذين لا يفضلون الحلويات ويحبون المذاق المميز للأطعمة “الحادقة”. 

درست سمر علم الاجتماع فى كلية الآداب، لكنها وجدت شغفها في كل أعمال الهاند ميد وأن تصنع بيديها كل شيء بدءًا من الإكسسوارات ووصولاً إلى “التورتة الحادقة” وتحكى لـ”اليوم السابع”: “حبيت الأشغال اليدوية من والدى لأنها كانت هوايته المفضلة، وبعد زواجى وإنجابى، حبيت أتفرغ لأولادى، وأقعد معاهم وفى نفس الوقت، أمارس هوايتى فى البيت، ومن حوالى سنة ونصف، حبيت أعمل هدية مميزة لأختى فى عيد ميلادها، فكرت أعمل تورتة حادقة، واتبسطت جداً بيها لأنها بتحب الأكل الحادق جداً، وصورتها ونشرتها على صفحتها وعجبت الناس، و ده شجعنى إنى أشتغل فى عمل التورتة الحادقة”.

تورتة حادقة أخرى

تورتة حادقة

تورتة من أعمال سمر

وعن مكونات التورتة الحادقة، قالت سمر:”بدل الكيك بستخدم توست وبدل الكريمة ميكس جبن والحشوات بتكون متنوعة زى لحوم مصنعة زى البسطرمة واللانشون والسويس والخضار والفلفل والجزر والخيار والزيتون والتزيين من بره بيختلف زى جبن مدخنة أو جبن التركى”.

تواجه سمر بعض الصعوبات فى مشروعها الصغير، والذى تحدثت عنه، قائلة :”الصعوبات اللى بتقابلنى، أن مجال عمل التورتة الحادقة مش منتشرة، وبالتالى مش بعرف أخد خبرة من حد، وبعتمد على نفسى وفى نفس الوقت ده بيفيدنى إنى أثبت نفسى وأطور من شغلى أكتر”.

سمر سمير

تورتة مزينة بالجبنة واللانشون  والخيار

تحلم سمر بأن تصبح “التورتة الحادقة” أساسية ومعروفة في كل المناسبات و”الناس متخافش تجربها جنب الحلو”.

تورتة

قطع كب كيك